Ֆրանսիայի իսլամիստները կռվում են Սիրիայի ընդդիմության շարքերում
Իրաքից, Եմենից և Աֆղանստանից հետո, Ֆրանսիայի իսլամիստներն իրենց հայացքներն ուղղել են Սիրիային: Փորձագետները փաստում են, որ սիրիական տարածք են ներթափանցել Ֆրանսիայի քաղաքացիների փոքր խմբեր, որոնք արմատական սուննիներ են և, որոնք կռվում են ընդդիմության շարքերում:
«Առայժմ հոսքն այնքան էլ զանգվածային չէ, ինչպես որ 2003-ին Իրաքի դեպքում, սակայն արդեն շատ բան է արվում»,-«Ֆիգարոյին» տված հարցազրույցում ասել է ահաբեկչության դեմ պայքարով զբաղող ֆրանսիացի դատավոր Մարկ Տրեվեդիչը:
«Ազատության մարտիկներ»` այսպես են նրանք կոչում իրենց: Այս խմբավորումը կռվում է ընդդիմության շարքերում և նրանց համար թշնամի է Բաշար Ասադը, քանի որ վերջինս ալևի է:
