Եգիպտոսի նոր սահմանադրության համաձայն նախագահի լիազորությունները կիսով չափ կկրճատվեն: Այս մասին հաղորդել է Գամալ Գիբրիլը` Սահմանադրական վեհաժողովի ներկայացուցիչը, որը զբաղվում է երկրի Հիմնական օրենքի մշակմամբ:
Ըստ պաշտոնյայի, երկրի ղեկավարն իրավունք կունենա հայտարարել արտակարգ իրավիճակ, սակայն մեկ շաբաթ ժամկետով: Նախագահը կզրկվի իր հայեցողությամբ խորհրդարանի մի շարք պատգամավորների նշանակելու իրավունքից: Սակայն, ընդ որում, երկրի ղեկավարը կկարողանա 10 մարդու ներառել խորհրդարանի վերին պալատում:
Նոր սահմանադրության մշակումը պետք է ավարտվի մինչև հոկտեմբերի վերջ: