Արժույթի միջազգային հիմնադրամն ապրիլից ի վեր կրճատել է տնտեսական աճի կանխատեսումները երկրորդ անգամ և նախազգուշացրել ամերիկյան և եվրոպական կարգավորիչներին, որ տնտեսական խնդիրները լուծելու անկարողությունը կերկարացնի անկումը:
Զարգացած տնտեսությունների աճը չափազանց թույլ է գործազրկությունը նվազեցնելու համար, հայտարարել է ԱՄՀ-ն Համաշխարհային տնտեսական կանխատեսման մեջ, որը թողարկվել է հիմնադրամի նիստի նախաշեմին, որը կայանալու է այս շաբաթ Տոկիոյում:
Կարգավորիչներն ԱՄՆ-ում «բյուջետային անկումը» և եվրագոտու պարտքային ճգնաժամն անվանում են համաշխարհային տնտեսության գլխավոր խնդիրները:
ԱՄՀ-ն հիմա ակնկալում է, որ համաշխարհային տնտեսությունը 2012-ին կաճի 3,3 տոկոսով այն դեպքում, երբ հուլիսին կանխատեսել էր 3,5 տոկոս աճ:
Դա 2009-ից ի վեր կարող է դառնալ ամենադանդաղ դինամիկան, երբ աշխարհը փորձում էր դուրս գալ ֆինանսական ճգնաժամից: Հիմնադրամն ակնկալում է համաշխարհային աճի արագացում 2013-ին մինչև 3,6 տոկոս, իսկ հուլիսյան կանխատեսումը եղել է 3,9 տոկոս:
Եվրագոտու համար ԱՄՀ-ն կանխատեսում է այս տարի տնտեսության կրճատում 0,4 տոկոսով և 2013-ին աճ 0,2 տոկոսով, հաղորդում է Ռոյթերսը: