ՈՒԵՖԱ-ի «Բարձրագույն գործադիր ծրագրի» Կլոր սեղանի շրջանակներում Երևան այցելած ՈՒԵՖԱ-ի նախագահ Միշել Պլատինին անդրադառնալով երևանյան հանդիպմանն ասել է.«Առաջին անգամ է, որ ես մասնակցում եմ այս ծրագրի Կլոր սեղանին և կարծում եմ այն լավ էր կազմակերպված: Այս միջոցառումը թույլ է տալիս խոսք տալ նաև ֆեդերացիաների նախագահներին և լսել նրանց կարծիքներն ու առաջարկները:
Ընդհանուր առմամբ գոհ եմ հանդիպումից: Մենք մի քանի այսպիսի միջոցառումներ ենք կազմակերպում: Դրանցում առայժմ ուղղակի խոսակցություններ են, զրույցներ: Ես աշխատանքային այցով չեմ եկել: Մեկնելու եմ նաև Կենտրոնական Ասիայի երկրներ: Եկել եմ ուղղակի հանդիպելու ընկերոջս`Ռուբեն Հայրապետյանին»:
Ա ընդգծել է, որ իրենք խոսել ենք EURO-2020 ծրագրի, մրցավարության և հեռուստաընկերությունների իրավունքների կենտրոնացման մասին:
«Ես սիրում եմ մարդկանց: Ես որևէ երկրի սիրահար չեմ, բայց սիրում եմ մարդկային արժեքները և Երևանում եմ դրանց համար»,- ավելացրել է Պլատինին:
