Վանաձորում կներկայացվի Hollywood Non-Stop երաժշտական նախագիծը
Հոկտեմբերի 11-ին Վանաձորի երիտասարդ հանդիսատեսին կներկայացվի «Երիտասարդները երիտասարդների համար Hollywood Non-Stop» նախագիծը:
Նախագծի հեղինակներն են Հայաստանի պետական երիտասարդական նվագախումբը (գեղարվեստական ղեկավար և գլխավոր դիրիժոր Սերգեյ Սմբատյան) և Հայաստանում Ամերիկայի Միացյալ Նահանգների դեսպանատունը:
Ինչպես հայտնում է նվագախմբի մամուլի ծառայությունը, համերգը կկայանա Հովհաննես Աբելյանի անվան պետական դրամատիկական թատրոնում:
Հայաստանի պետական երիտասարդական նվագախումբը հանդես կգա հոլիվուդյան «Կարիբյան ծովի ծովահենները», «Խիզախ սիրտը», «Վեսթսայդյան պատմություն», «Կնքահայրը», «Ռոմեո և Ջուլիետ» և այլ հանրահայտ ֆիլմերի երաժշտության կատարմամբ:
