Երևանում կկայանա «Ոսկե աշուն» բարեգործական տոնավաճառը
Հոկտեմբերի 14-ին «Անի Պլազա» հյուրանոցում տեղի կունենա «Ոսկե աշուն» խորագրով ամենամյա բարեգործական տոնավաճառը:
Այն կազմակերպել է Երևանի կանանց միջազգային ակումբը:
Ցուցահանդեսին ներկայացվելու են հայ արվեստագետների և վարպետների գործեր, կենցաղային յուրօրինակ իրեր, տոնական քաղցրավենիք:
Հանգանակված գումարը հատկացվելու է «Որդեգրիր մի գյուղ» ծրագրին` նպաստելով Հայաստանի սահմանամերձ գյուղերի զարգացմանը:
Ցանկության դեպքում բարեգործությանը կարելի է մասնակցել նաև գնելով խաղարկության տոմսեր, շահող տոմսերը կստանան տարբեր նվերներ: Մեկ տոմսի արժեքն է 500 դրամ: Մուտքն ազատ է:
