2005 ԿԱՐՈՂ Է ՀԱՅԱՍՏԱՆԻ ՀԱՄԱՐ ԴԱՌՆԱԼ ԵԽ ԱՌՋԵՎ ՍՏԱՆՁՆԱԾ ԲՈԼՈՐ ՊԱՐՏԱՎՈՐՈՒԹՅՈՒՆՆԵՐԻ ԿԱՏԱՐՄԱՆ ՏԱՐԻ

PanARMENIAN.Net - Հայաստանի նախագահ Ռոբերտ Քոչարյանն խորհրդակցություն է անցկացրել Եվրախորհրդին Հայաստանի անդամակցությանն առնչվող պարտավորություններից բխող միջոցառումները համակարգող հանձնաժողովի անդամների հետ, հաղորդում է ՀՀ նախագահի մամլո ծառայությունը: Քննարկվել է ընտրություններին, կուսակցություններին, տեղական ինքնակառավարմանը, մարդու իրավունքներին, ԶԼՄ-ներին եւ մի շարք այլ բնագավառներին վերաբերող օրենքները բարեփոխելու պարտավորությունների կատարման ընթացքը: Հանձնաժողովի անդամները տեղեկացրել են, որ արդեն իսկ Եվրախորհրդի վենետիկյան հանձնաժողովին են ուղարկվել վերջինիս առաջարկների հիման վրա բարեփոխված օրենքների նախագծերը: Քննարկվել են նաեւ սահմանադրական բարեփոխումներին առնչվող հարցեր: Ռոբերտ Քոչարյանը կարեւորել է Սահմանադրության բարեփոխումների գործընթացը չդանդաղեցնելու եւ փոխհամաձայնեցվածության բարձր աստիճան ունեցող վերջնական նախագիծ ձեւավորելու անհրաժեշտությունը: Հանձնաժողովի անդամների ներկայացմամբ, եթե սահմանադրական բարեփոխումների նախագիծը արժանանա Վենետիկի հանձնաժողովի դրական եզրակացությանը եւ դրվի հանրաքվեի, ապա Հայաստանը 2005 թվականը կավարտի Եվրախորհրդին անդամակցելու ժամանակ ստանձնած պարտավորությունները կատարած:
 Ուշագրավ
ԱԳՆ-ից նշել են, որ միջոցներ են ձեռնարկելու տեղում հրադադարի ռեժիմի պահպանման և ստուգման մեխանիզմների ներդրման համար
ՀՀ վարչապետ Նիկոլ Փաշինյանը ակնարկել է, որ ստացել է նման երաշխիք ռուսական կողմից
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը
Պատգամավորների՝ ՍԴ մասին պատկերացումները չեն համընկել և որոշ դեպքերում անընդունելի են եղել Ավետիսյանի համար։