ՀՀ ՊԱՇՏՊԱՆՈՒԹՅԱՆ ՓՈԽՆԱԽԱՐԱՐ. ՄԵՐ ՆՊԱՏԱԿՆ Է ՍՏԵՂԾԵԼ 21-ՐԴ ԴԱՐԻ ՊԱՀԱՆՋՆԵՐԻՆ ՀԱՄԱՊԱՏԱՍԽԱՆՈՂ ԵՎ ՊԵՏՈՒԹՅԱՆ ԱՆՎՏԱԱՆԳՈՒԹՅՈՒՆՆ ԱԱՊԱՀՈՎՈՂ ԲԱՆԱԿ12 ապրիլի 2005 - 08:40 AMT PanARMENIAN.Net - Բանակի ձեւավորման եւ պաշտպանական բարեփոխումների իրականացման հարցում Հայաստանը առաջնորդվում է աստիճանական բարեփոխումների սկզբունքով: Այս մասին ՆԱՏՕ-ի (ԱԳԳԾ) անհատական գործընկերության ծրագրին Հայաստանի միանալու գործընթացին նվիրված սեմինարում, որը կազմակերպվել էր Ջորջ Մարշալի ամերիկա-գերմանական կենտրոնը, հայտարարել է Հայաստանի պաշտանության փոխնախարար գեներալ լեյտենենտ Արթուր Աղաբեկյանը: Նրա խոսքերով` այդ սեմինարն իր ավանդը կներդնի պաշտպանության ոլորտում համագործակցության նոր գաղափարների եւ բարեփոխումների հեռանկարների ձեւավորման գործում: Ինչպես նշել է Ա.Աղաբեկյանը, բանակաշինությունը մի անվերջ գործընթաց է, որը ենթադրում է շարունակական բարեփոխումներ եւ զարգացում, ինչն առաջնային է Հայաստանի պաշտպանական գերատեսչության մարտունակության եւ կարգապահության ապահովման համար: Հայաստանի զինված ուժերում ընթացող բարեփոխումների ծավալը որոշվում է առաջին հերթին պետության առջեւ ծառացած ռազմական խնդիրներով եւ սպառնալիքների չեզոքացման անհրաժեշտությամբ: Այդ առնչությամբ անհրաժեշտ է դառնում անվտանգության ռազմավարության մշակումը, դրա հասարակական ընկալումն ու աջակցությունը: Անհրաժեշտ է նաեւ ռազմական դոկտրինի ձեւավորումը, որը կհստակեցնի զինված ուժերի խնդիրները: «Մեր նպատակն է` մինչեւ 2015թվականը ստեղծել 21-րդ դարի պահանջներին համապատասխանող եւ նոր կարգի մարտահրավերներին դիմակայող, պետության ռազմական անվտանգությունը լիովին ապահովող բանակ»,- նշել է Ա.Աղաբեկյանը: Նրա խոսքերով` պաշտպանության ոլորտում բարեփոխումների իրականացման չորս հիմնական սկզբունքներն են` անցկացվող բարեփոխումների իրատեսականություն, աստիճանականություն, ճկունություն եւ ժողովրդավարություն: Այս բարեփոխումները պետք է ընթանան պետության այլ ոլորտների զարգացմանը զուգընթաց: Ինչպես նշել է Ա.Աղաբեկյանը, արդեն պատրաստ է ԱԳԳԾ փաստաթղթի նախագիծը եւ ներկայումս քննարկվում են հետագա քայլերը: Փաստաթղթում Հայաստանի հիմնական նպատակներն են տարածաշրջանային անվտանգության խնդիրների շուրջ ՆԱՏՕ-ի հետ շարունակական խորհրդակցությունների իրականացումը, ավելացրել է պաշտպանության գերատեսչության ղեկավարի տեղակալը: Ուշագրավ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Ամենաընթերցվողը բաժնում | Օսթին. ԱՄՆ-ն չի կարող ենթադրություններ անել Ռայիսիի ուղղաթիռի կործանման պատճառների մասին Աշխարհի 8 երկրում սուգ է հայտարարվել Ռայիսիի մահվան կապակցությամբ Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել |