ՀԱՅԱՍՏԱՆԻ ԱՆՎՏԱՆԳՈՒԹՅԱՆ ՆՈՐ ՌԱԶՄԱՎԱՐՈՒԹՅՈՒՆԸ ՊԱՏՐԱՍՏ ԿԼԻՆԻ 2007 ԹՎԱԿԱՆԻ ԵՐԿՐՈՐԴ ԿԵՍԻՆ
Ակնկալվում է, որ Հայաստանի Անվտանգության ռազմավարությունը ՀՀ Ազգային ժողովի քննարկմանը կներկայացվի 2007 թվականի երկրորդ կեսին: Այս մասին ՆԱՏՕ-ի անհատական գործընկերության ծրագրին Հայաստանի միանալու գործընթացին նվիրված սեմինարում հայտարարել է պաշտպանության փոխնախարար գեներալ-լեյտենանտ Արթուր Աղաբեկյանը: Նրա խոսքերով` Ռազմավարությունը հանրապետության պաշտպանության ոլորտում անցկացվող բարեփոխումների հիմնական շարժիչ ուժը կդառնա, որը նախատեսվում է իրականացնել մինչեւ 2015 թվականը, որից հետո նախատեսվում է Պաշտպանական դոկտրինի մշակումը: Ինչպես նշել է Ա.Աղաբեկյանը, ՆԱՏՕ-ի մասնակցությունն այս փաստաթղթերի մշակման եւ իրականացման գործում խորհրդատվական բնույթ է կրելու, մասնավորապես, կադրերի պատրաստման, մեթոդիկայի ներդրման, կառավարման ոլորտներում: «Այս հարցերում մենք չենք ակնկալում ՆԱՏՕ-ի ֆինանսական աջակցությունը», - նշել է Արթուր Աղաբեկյանը:
