Շախմատի Եվրոպայի Գավաթի կանանց մրցաշարի 6-րդ տուրում, որը տեղի է ունենում Էյլաթում, երևանյան «Միկան» 3,5:0,5 հաշվով վստահ հաղթանակ է տարել «Աշդադի» նկատմամբ:

Առաջին տախտակի վրա Էլինա Դանիելյանը միավորներ է կիսել Մաշա Կլինովայի հետ, մյուս պարտիաներում ավելի ուժեղ են գտնվել «Միկայի» շախմատիստուհիները: Հարիկա Դրոնավալին հաղթանակ է տարել Անգելա Բորսուկի նկատմամբ, Լիլիթ Մկրտչյանը` Օլգա Վասիլևայի, իսկ Լելա Ջավախիշվիլին` Լյուդմիլա Ցիֆանսկայայի:

«Միկան» ունի 8 թիմային միավորով շարունակում է զբաղեցնել 3-րդ հորիզոնականը: Մրցաշարային աղյուսակը 12 միավորով գլխավորում է «Cercle d’Echecs-ը»:

Եվրոպայի ակումբային առաջնությունը կավարտվի հոկտեմբերի 18-ին: Ժամանակի հսկողությունը` 40 քայլի համար 90 րոպե է, այնուհետև 30 րոպե մինչև պարտիայի ավարտը յուրաքանչյուր քայլի համար հավելյալ 30 վայրկյանով` սկսած առաջինից:

Նշենք, որ 2006-ին «Միկան» դարձել է Եվրոպայի գավաթի հաղթող: