Իրանցի Մանսուր Արբաբսիարը, ով մեղադրվում էր Վաշինգտոնում Սաուդյան Արաբիայի դեսպանի սպանության կազմակերպման մեջ, երեկ Նյու Յորքի դատարանում խոստովանել է, որ մեղավոր է սպանությունը ծրագրելու մեջ, հաղորդում է Lenta.ru-ն` հղելով Agence France-Presse-ին:

Նրան սպառնում է 25 տարի ազատազրկում:

Արբաբսիարի խոսքով, ինքը հանցակիցների հետ 1.5 մլն դոլարի դիմաց վարձել է թմրավաճառի, ով, ըստ նախնական ծրագրի, պետք է առևանգեր սաուդցի դեսպանին: Հետո ծարգիրը փոխվել է և որոշում է կայացվել պայթյուն կազմակերպել ռեստորանում, որն այցելում էր դեսպանը:

Դեսպանի վրա հարձակումը կանխելու մասին ամերիկյան հատուկ ծառայությունները հաղորդել են 2011թ հոկտեմբերի 11-ին: