Ֆրանսիացի դիվանագետը Ղարաբաղի մասին. Ժամանակն է «մոռանալ անցյալի տարաձայնություններն ու ատելությունը»22 հոկտեմբերի 2012 - 13:48 AMT PanARMENIAN.Net - 1994թ. ի վեր Ֆրանսիան համառություն, վճռականություն ու լուրջ մտադրություններ է ցուցադրում Ադրբեջանի ու Հայաստանի միջև բանակցություններն առաջ տանելու ու ղարաբաղյան կարգավորմանն աջակցելու համար: Այդ մասին հայտարարել է Ադրբեջանում Ֆրանսիայի դեսպան Պասկալ Մոնյեն: Ըստ նրա, ֆրանսիական կողմը բազմիցս է հայտարարել, որ ղարաբաղյան հակամարտությունը ռազմական լուծում չունի՝ կողմերը պետք է պարտավորվեն լուծել խնդիրը խաղաղ ճանապարհով, հիմնվելով ՄԱԿ Խարտիայի ու Հելսինկյան եզրափակիչ ակտի սկզբունքների վրա, այն է ուժի չկիրառման, տարածքային ամբողջականության ու ազգերի ինքնորոշման: Ինչպես նշել է ֆրանսիացի դիվանագետը, այդ հակամարտությունը մեծ մտահոգություն է առաջացնում: «Այսօր կցանկանայի Ադրբեջանի ու Հայաստանի ժողովրդներին հետևյալ խոսքերն ուղղել՝ մտածեք ձեր երեխաների ու թոռների մասին և արեք այնպես, որ նրանք չապրեն այն տառապանքներն ու վիշտը, որոնք ձեզ բաժին ընկան: Ողջ պատմության ընթացքում, այդ թվում բոլորովին վերջերս ադրբեջանցիներն ու հայերը ապրել են հավասար, խաղաղ պայմաններում ու ավանդ ունեցել միմյանց բարգավաճման մեջ: Ժամանակն է մոռանալ տարաձայնություններն ու ատելությունը»,-ասել է Պասկասլ Մոնյեն, հայտնում է 1news.az-ը: Ըստ նրա, Ֆրանսիան որպես ՄԽ համանախագահ ակտիվ ներդրում է ունի հակամարտության կողմերին նորարարական գաղափարներ ներկայացնելու գործում՝ այդ թվում հումանիտար շփումների զարգացման, հրադադարի խախտումների ուսումնասիրության մեխանիզմի ստեղծման, պատմության ու մշակույթի հուշարձանների պաշտպանության վերաբերյալ առաջարկներով: «Երբ իշխանության եկավ նախագահ Օլանդը, մենք երեք նիստ կազմակերպեցինք նախարարների մակարդակով, որից երկուսը տեղի ունեցան Փարիզում: Այժմ նախապատրաստվում է չորրորդ հանդիպումը: Այսինքն, մենք ՄԽ մյուս համանախագահ երկրների հետ ձգտում ենք կրկին աշխուժացնել երկխոսությունն Ադրբեջանի ու Հայաստանի միջև»,-ասել է ֆրանսիացի դիվանագետը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |