 Հոկտեմբերի 23-ին Երևան կժամանի ֆրանսիական պատվիրակություն 22 հոկտեմբերի 2012 - 21:07 AMT PanARMENIAN.Net - Հայաստանի և Ֆրանսիայի քաղաքների բարեկամացման շրջանակներում հոկտեմբերի 23-ին Երևան է ժամանելու 20 հոգուց բաղկացած պատվիրակություն: Պատվիրակությունը կգլխավորեն Օ-դը-Սեն դեպարտամենտի փոխնախագահ Իվ Ռեվիյոնը և Վալանսի քաղաքապետ Ալեն Մորիսը: Պատվիրակության կազմում կլինեն նաև ֆրանսիական խորհրդարանի պատգամավոր Պատրիկ Դևեջյանը և Ֆրանսիայի հայ համայնքի ներկայացուցիչներ: Այցի շրջանակներում նախատեսվում են հանդիպումներ ՀՀ նախագահ Սերժ Սարգսյանի, վարչապետ Տիգրան Սարգսյանի, խորհրդարանի խոսնակ Հովիկ Աբրահամյանի, Երևանի քաղաքապետ Տարոն Մարգարյանի հետ: Այցի ընթացքում նախատեսվում է 1915թ Հայոց ցեղասպանության 100-ամյակի կապակցությամբ ցեղասպանության թանգարանին փոխանցել ֆրանսիական արխիվների չհրապարակված նյութեր` ավելի քան 200 չհրապարակված լուսանկարներ, ինչպես նաև Մարդինում, Ուրֆայում և Դիարբեքիրում ֆրանսիական առաքելությունների նամակագրությունը: Բացի այդ թանգարանին կփոխանցվի Հայաստանում 1895-1896թթ կոտորածները և փախստականների պատմությունները նկարագրող մի քանի դպրոցական տետրեր: Ինչպես PanARMENIAN.Net ին հաղորդել է լրագրող Ժան Էկիյանը, պատվիրակության անդամները կհանդիպեն ՀՀ ԿԳ նախարար Արմեն Աշոտյանին, կայցելեն Երևանի № 48 դպրոց: ՀՀ ԱԳՆ –ում կկայանա պատվիրակության հանդիպումը ՀՀ ԱԳ նախարարի` ֆրանկոֆոնիայի հարցերով խորհրդական Քրիստիան Տեր-Ստեփանյանի հետ: Ֆրանսիական պատվիրակությունը կայցելի նաև Մատենադարն և կպատասխանի լրագրողների հարցերին: Հայաստանում Ֆրանսիայի դեսպանի անունից պատվիրակության պատվին ընդունելություն կկազմակերպվի:   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Սյուժե Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա ՏիտուսըՇոլց․ Ադրբեջանը պետք է հարգի մարդու իրավունքները Նա Ալիևին ասել է, որ, իրավապաշտպանները և լրատվամիջոցները պետք է հնարավորություն ունենան ազատ աշխատելու |
