Սուդանի իշխանությունները մեղադրել են Իսրայելին` ռազմական գործարանին օդային հարված հասցնելու մեջ
Սուդանի տեղեկատվության նախարարը չորեքշաբթի օրը մեղադրել է Իսրայելին ռազմական գործարանն օդային հարվածների ենթարկելու մեջ, հաղորդում է Ռոյթերսը:
«4 ռազմական ինքնաթիռներ հարվածել են «Յարմուկ» գործարանին»,-լրագրողներին է հայտնել Սուդանի տեղեկատվության նախարար Ահմեդ Բելալ Օսմանը: Նա հավելել է, որ ինքնաթիռները մոտեցել են Հարթում քաղաքին արևելքից:
Նախօրեին արևմտյան ԶԼՄ-ները հաղորդել էին, որ նույն գործարանում հրդեհ էր բռնկվել: Հաղորդվել էր նաև, որ հրդեհը սկսվել էր մի քանի պայթյունից հետո:
