Հայաստանը և Իրանը փոխըմբռնման հուշագիր են ստորագրել25 հոկտեմբերի 2012 - 14:26 AMT PanARMENIAN.Net - Հայաստանի Հանրապետության և Իրանի Իսլամական Հանրապետության միջկառավարական համատեղ հանձնաժողովի 11-րդ նիստը կայացավ Երևանում: Եռօրյա նիստին մասնակցելու համար Երևան էր ժամանել ԻԻՀ պատվիրակությունը` հանձնաժողովի իրանական կողմի համանախագահ, Իրանի էներգետիկայի նախարար Մաջիդ Նամջուի գլխավորությամբ: Իրանական պատվիրակության կազմում էին նաև տնտեսության տարբեր ոլորտները ներկայացնող պաշտոնյաներ ու մասնագետներ: Նիստի ընթացքում կողմերը քննարկեցին առևտրատնտեսական, էներգետիկայի, տրանսպորտի և կապի, հանքարդյունաբերության, բնապահպանության, առողջապահության, գյուղատնտեսության և այլ ոլորտներին առնչվող հարցեր: Հայ-իրանական միջկառավարական հանձնաժողովի 11-րդ նիստը եզրափակեց հայկական կողմի համանախագահ, ՀՀ էներգետիկայի և բնական պաշարների նախարար Արմեն Մովսիսյանը և իրանական կողմի համանախագահ, Իրանի Իսլամական Հանրապետության էներգետիկայի նախարար Մաջիդ Նամջուն: Վերջում ստորագրվեց «Հայ-իրանական միջկառավարական հանձնաժողովի 11-րդ համատեղ նիստի փոխըմբռնման հուշագիրը», որով կողմերը հաստատեցին 3 կարևոր նախագծերի իրականացման ծրագիրը: Առաջին կարևոր նախագիծը երկու երկրների միջև երրորդ բարձրավոլտ էլեկտրական գծի կառուցումն է, հաջորդը «Մեղրի ՀԷԿ»-ի կառուցումն է, և երրորդը՝ Իրան-Հայաստան երկաթգծի կառուցումը: «Ես համոզված եմ, որ այս ծրագրերն ու գաղափարները շատ արագ կյանքի կկոչվեն, և մենք միշտ պատրաստ կլինենք հյուրընկալել Իրանի մեր գործընկերներին»- եզրափակիչ ելույթում ասաց ՀՀ էներգետիկայի և բնական պաշարների նախարար Արմեն Մովսիսյանը և շնորհակալություն հայտնեց նրանց Իրան-Հայաստան համատեղ ծրագրերին նոր լիցք հաղորդելու համար: Իրանական կողմի համանախագահ Մաջիդ Նամջուն նյունպես շնորհակալություն հայտնեց հյուընկալության համար և ասաց, որ իրենք պատրաստ են հաջորդ նիստն անցկացնել Թեհրանում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի ՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |