Ի՞նչ է սփյուռքը, ի՞նչ հիմնախնդիրներ կան այսօր սփյուռքում և, առհասարակ, ի՞նչ է իրենից ներկայացնում հայկական սփյուռքը: Այս և մի շարք այլ հարցեր այսօր արծարծվեցին ԵՊՀ հայ բանասիրության ֆակուլտետում ՀՀ սփյուռքի նախարար Հրանուշ Հակոբյանի հանդիպմանը սփյուռքագիտության ամբիոնի ուսանողների հետ:
Նախարարը խոսեց հայկական սփյուռքի առաջացման, ձևավորման փուլերի, հայկական սփյուռքի առանձնահատկությունների, սփյուռքահայերի հոգեբանական խնդիրների մասին, ինչպես նաև անդրադարձավ Հայրենիք-Սփյուռք փոխհարաբերություններին:
Հրանուշ Հակոբյանը ուսանողներին ներկայացրեց սփյուռքի հետ տարվող նախարարության աշխատանքը, քաղաքականությունը և ռազմավարությունը:
Ուսանողներն էլ բարձրացրեցին իրենց հուզող և հետաքրքրող հարցեր, որոնց պատասխանները նախարարը գտնում էր, իսկ լուծման տարբերակները փորձում ուսանողների հետ միասին փնտրել:
Ուսանողների կողմից հնչեցին հարցեր հայ-թուրքական հարաբերությունների, սփյուռքի գոյատևման խնդիրների, արևելահայերենի և արևմտահայերենի մերձեցման և այլ թեմաների վերաբերյալ:
