«Պինդ կաղինը 5» ֆիլմի երկրորդ թրեյլերը նոր մանրամասներ է բացահայտում: Սա «Պինդ կաղինը» շարքի հինգերորդ ֆիլմն է` Լեն Ուայզմանի «Պինդ կաղինը 4.0» արկածային մարտաֆիլմի շարունակությունը: Ռեժիսոր Ջոն Մուրը («Թշնամու թիկունքում», «Փյունիկի թռիչքը») նկարահանումները սկսել է այս տարվա ապրիլին: Սցենարը Սքիփ Վուդսինն է, որը հայտնի է «Իքս մարդիկ. Սկիզբը: Ռոսոմախա» ֆիլմի վրա տարած աշխատանքներով: Նյույորքցի ոստիկան Ջոն ՄաքՔլեյնի դերը, ինչպես և նախորդ չորս ֆիլմերում, կատարում է Բրյուս Ուիլիսը: Վերջինիս խոսքով, ֆիլմը, հնարավոր է, ունենա շարունակություն` վեցերորդ մաս:

Նոր ֆիլմում Ջոն ՄաքՔլեյնը կմեկնի Ռուսաստան, որպեսզի փրկի իր որդուն` Ջեքին, ով մասնակից է ռուս հանցավոր առաջնորդի բանտային փախուստի գործին:

Ֆիլմի համաշխարհային պրեմիերան ծրագրված է 2013թ. փետրվարի 14-ին: