Օրհան Փամուկին շնորհվել է Դանիայի Սոնինգ մրցանակ և Ֆրանսիայի Պատվո լեգիոնի շքանշան30 հոկտեմբերի 2012 - 10:40 AMT PanARMENIAN.Net - Հանրահայտ թուրք գրող, Նոբելյան մրցանակի դափնեկիր Օրհան Փամուկը հոկտեմբերի 26-ին Կոպենհագենի համալսարանում արժանացել է Դանիայի Սոնինգ մրցանակին: Այն շնորհվում է երկու տարին մեկ Կոպենհագենի համալսարանի ռեկտորի գլխավորությամբ ստեղծված հանձնաժողովի որոշմամբ, իսկ թեկնածուներին առաջադրում են եվրոպական համալսարանները: Մրցանակը շնորհվում է եվրոպական մշակույթի մեջ ներդրած զգալի ավանդի համար և կազմում է մոտ 135 հազ. եվրո, հաղորդում է Hurriyet Daily News-ը: Իսկ երկուշաբթի օրը` հոկտեմբերի 29-ին, Փարիզում Օրհան Փամուկն արժանացավ Ֆրանսիայի Պատվո լեգիոնի շքանշանին: Շքանշանը Փամուկին հանձնեց Ֆրանսիայի մշակույթի նախարար Օրելի Ֆիլիպետին` նշելով Փամուկի «նորարարական ոճն ու ավանգարդ հայացքները» և հաղորդելով, որ այսօր աշխարհում վաճառվել է թուրք գրողի գրքերի ավելի քան 11 մլն նմուշ: «Դուք չվախեցաք ելույթ ունենալ պատմության մասին լռելու դեմ, չվախեցաք մենության մեջ հայտնվել` բարձրացնելով ձայնն ի պաշտպանություն մոռացության մատնվածների»,- ասաց Ֆիլիպետին, տեղեկացնում է ԻՏԱՐ-ՏԱՍՍ-ը: Այնուհետև գրողն իր ընթերցողների հետ հանդիպում կունենա Լուվրում բացված Իսլամական արվեստի ցուցահանդեսի շրջանակում, ինչպես նաև մի շարք գիտաժողովների կմասնակցի իր գրքերի առնչությամբ: 2005թ. շվեյցարական թերթերից մեկին տված հարցազրույցում Փամուկն ասել էր, որ 1915 թվականին թուրքերը 1 միլիոն հայ և 30 հազ. քուրդ են սպանել: «Թուրքիայում այս մասին ոչ ոք չի համարձակվում խոսել, և ինձ ատում են այն բանի համար, որ ես խոսում եմ այդ մասին»,- ասել է Օրհան Փամուկը: Դրանից հետո նրա նկատմամբ հետապնդում էր սկսվել Թուրքիայի քրեական օրենսգրքի 301-րդ հոդվածով (թուրք ինքնությունը վիրավորելու համար): Ներկայումս գրողն ապրում է ԱՄՆ-ում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Զարգացման ֆրանսիական գործակալությունը մտադիր է ընդլայնել ՀՀ հետ գործակցության ուղղություններն ու ծրագրերի ծավալները Քննարկվել են Վեդու ջրամբարի կառուցման ընթացքին վերաբերող հարցեր Զախարովա․ Արևմուտքն անդադար խոսում է Վրաստանի ցույցերից՝ անտեսելով ՀՀ–ի ակցիաները Նա խոսել է Հայաստանում ցուցարարների զանգվածային բերման ենթարկելու դեպքերի մասին Արևմուտքի «մեռելային լռության» մասին Օպերայի շրջակայքում ոստիկանական ուժեր են կուտակված․ Պատնեշներ են տեղադրվել Շենքի շուրջբոլորը ոստիկանությունը պատնեշներ է տեղադրել «Տավուշը հանուն հայրենիքի»․ Ժամը 15:30-ին լինել նշված վայրերում, խաղաղ երթով շարժվել Ազատության հրապարակ Նպատակն է ցույց տալ ժամանած հյուրերին, որ «ՀՀ վարչապետը տարածքներ հանձնելու համար երկրում լեգիտիմություն չունի» |