ԱԺ-ում քննարկվեցին 2013 թ-ին ԱԻՆ, ԱԱԾ-ն և Ոստիկանությանը հատկացվելիք գումարները30 հոկտեմբերի 2012 - 20:53 AMT PanARMENIAN.Net - «Հայաստանի Հանրապետության 2013թ. պետական բյուջեի մասին» ՀՀ օրենքի նախագծով նախատեսված արտակարգ իրավիճակների, ոստիկանության, ազգային անվտանգության ծառայության ֆինանսավորման հարցերն այսօր քննարկվեցին Ազգային ժողովի պաշտպանության, ազգային անվտանգության և ներքին գործերի ու ֆինանսավարկային և բյուջետային հարցերի մշտական հանձնաժողովների համատեղ դռնփակ նիստում: ՀՀ արտակարգ իրավիճակների նախարարի տեղակալ Հայկարամ Մխիթարյանը, ՀՀ կառավարությանն առընթեր ոստիկանության պետի տեղակալ Արթուր Օսիկյանը և ՀՀ կառավարությանն առընթեր ազգային անվտանգության ծառայության տնօրենի տեղակալ Ֆելիքս Ցոլակյանը ներկայացրին համապատասխան ոլորտների ֆինանսավորման ուղղությունները: ՀՀ արտակարգ իրավիճակների նախարարությանը նախատեսվում է տրամադրել 7,4 մլրդ դրամ, ինչը 18 տոկոսով գերազանցում է նախարդ տարվա ցուցանիշը: Փրկարար ծառայությանը նախատեսվում է 5,32 մլրդ դրամ, որից 5,23 մլրդ դրամն ուղղվելու է ընթացիկ ծախսերի, իսկ 9 մլն դրամը` ոչ ֆինանսական ակտիվների գծով ծախսերի ֆինանսավորմանը: Աշխատողների աշխատավարձերի, հավելավճարների և քաղաքացիական ծառայողների պարգևատրումների համար նախատեսվել է 3,92 մլրդ դրամ: ՀՀ Ոստիկանությանը նախատեսվել է հատկացնել 30,8 մլրդ դրամ, որը 20 տոկոսով գերազանցում է նախորդ տարվա ցուցանիշը: 27,7 մլրդ դրամը նախատեսվում է հասարակական կարգի պահպանության համար, որն ամբողջությամբ ուղղվելու է ընթացիկ ծախսերի ֆինանսավորմանը: Աշխատողների աշխատավարձերն ու հավելավճարները ծրագրավորվել են 22,2 մլրդ դրամի չափով, որը 2012 թվականի պետական բյուջեի համեմատությամբ աճել է 5,2 մլրդ դրամով: Ազգային անվտանգության ծառայությանը նախատեսվում է տրամադրել 14,3 մլրդ դրամ, որից՝ 13,9 մլն դրամն ուղղվելու է ընթացիկ ծախսերի, իսկ մնացածը՝ ոչ ֆինանսական ակտիվների գծով ծախսերի ֆինանսավորմանը: Ծրագրված գումարները 2012 թվականի հաստատված բյուջեի համեմատությամբ աճել են 2,9 մլրդ դրամով: Աշխատողների աշխատավարձերը և հավելավճարները ծրագրավորվել են 9,9 մլրդ դրամի չափով, որը 2012 թվականի պետական բյուջեից ավել է նախատեսվել 2,7 մլրդ դրամով: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ծիծեռնակաբերդում Աննա Հակոբյանին առնչվող միջադեպով 1 անձի մեղադրանք է առաջադրվել Մյուսներն արգելանքից ազատ են արձակվել, քրեական հետապնդում չի հարուցվել Նարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Քոչարյանից պահանջում են բռնագանձել 25 անշարժ գույք, 5 տրանսպորտային միջոց, արժեթղթեր Պահանջն առնչվում է նրա հետ փոխկապակցված 7 անձի Միրզոյանը Կատարի իր պաշտոնակցին է ներկայացրել Ադրբեջանի հետ հարաբերությունների կարգավորման զարգացումները Հատուկ ուշադրություն է դարձվել տարածաշրջանային փոխկապակցվածության հարցերին |