Ռուսաստանն առաջարկում է տեղակայել Իլ-38 հետախուզական ինքնաթիռները Աֆրիկայում՝ Ջիբուտիի ֆրանսիական բազայում: Այդ մասին հոկտեմբերի 31-ին լրագրողներին հաղորդել է ՌԴ պաշտպանության նախարար Անատոլի Սերդյուկովը անվտանգության հարցերով ռուս-ֆրանսիական խորհրդի նիստի ավարտին:
«Եթե ֆրանսիական կողմը աջակցություն ցուցաբերի, ապա բազայում խմբավորումը կավելանա մինչև հինգ ինքնաթիռ»,- ասել է նա:
«Դա թույլ կտա բարելավել հետախուզական տվյալների փոխանակումը և ավելի կամրապնդի մեր ծովային նավերի միջև համագործակցությունը»,- ասել է Սերդյուկովը: Նրա կարծիքով, Ադենյան ծոցում ծովահենության դեմ համագործակցությունը Ռուսաստանը և Ֆրանսիան կարևոր ոլորտ են համարում:
Բացի դրանից, ՌԴ պաշտպանության նախարարը տեղեկացրել է Աֆրիկյան եղջյուրի շրջանում համատեղ ծովային ռազմավարություններ անցկացնելու մասին, հաղորդում է ԻԱՐ-ՏԱՍՍ-ը:
