ԱԺ նախագահ Հովիկ Աբրահամյանն այսօր անդրադարձավ Հայաստանի երկրորդ նախագահ Ռոբերտ Քոչարյանի՝ Վարդան Օսկանյանի գործով հայտարարությունը, որում մասնավորապես ասված էր.« Սա խորհրդարանի ինքնավարկաբեկման ցցուն դեպք է` երկրի վարկին հասցված բացասական հետևանքներով: Իսկ դա ամենևին էլ այն չէ, ինչի կարիքն այսօր Հայաստանն ունի:
Վարդան Օսկանյանը ամենահաջողակ նախարարներից էր եւ իշխանության փորձությանը դիմացած հայ քաղաքակական գործիչներից մեկն է»:
Ես համամիտ չեմ Ռոբերտ Քորաչյանին այն առումով, որ դա վարկաբեկում է մեր խորհրդարանը : Ես համոզված եմ, որ մենք տվել ենք հնարավորություն իրավապահ մարմիններին , որպեսզի իրենք իրականացնեն իրենց քննչական գործառույթները»,- լրագրողների հետ հանդիպման ժամանակ նշեց ԱԺ նախագահը և հավելեց , որ, եթե մարդիկ արդար են, որևէ գործընթացում իրենք մտավախություն չունեն, և չի ուզում, որ «որոշ մարդիկ իրենց մտավախությունները չհաշվեն իրենց մտադրությունը»:
«Եթե որևէ մեկը՝ այդ թվում նաև Վարդան Օսկանյանը, գործում արդար է, ի՞նչ մտավախություն կա: Թող քննչական գործողութույնների ընթացքում պարզաբանի, որ ինքը արդար է, որևէ խնդիր չկա, որևէ քաղաքական խնդիր այստեղ չի եղել և չի լինելու»,- նշեց Հովիկ Աբրահամյանը:
