ՌԴ ԱԳ նախարար. Արևմուտքը ցանկանում է Սիրիայի վերաբերյալ բանաձև ընդունել իշխանափոխության պայմաններ ստեղծելու համար
Ռուսաստանի ԱԳ նախարար Սերգեյ Լավրովը հայտարարել է, որ արևմտյան երկրները ցանկանում են ՄԱԿ ԱԽ-ում հասնել Սիրիայի վերաբերյալ բանաձևի ընդունմանը, սրելու համար իրավիճակն այդ երկրում և իշխանափոխության պայմաններ ստեղծելու համար, հայտնում է «ՌԻԱ Նովոստին»:
Ըստ Լավրովի, Ժնևյան պայմանավորվածությունները կատարելու համար բանաձևեր պետք չեն:
«Եթե գերակայությունը իշխանափոխությունն է, ապա արյունահեղությունն էլ ավելի կշատանա, եթե գերակայությունը՝ կյանքեր փրկելն է, ապա դա առանց բանաձևերի: Չէ որ մենք դեռ չենք փորձել իրականացնել Ժնևյան պայմանավորվածությունները»,-ասել է Լավրովը:
