ԲՀԿ-ն «ՀայՌուսգազարդի» նախկին տնօրեն Կարեն Կարապետյանի հետ որևէ բանակցություն չի վարել և չի առաջարկել նրան դառնալ նախագահի թեկնածու կամ ստանձնել վարչապետի պաշտոնը: ԱԺ ԲՀԿ խմբակցության քարտուղար Նաիրա Զոհրաբյանը PanARMENIAN.Net-ի թղթակցի հետ զրույցում հերքեց այս մասին մամուլում տարածված լուրերը:
«Պաշտոնապես հայտարարվել է, թե ինչու էր Գագիկ Ծառուկյանը Մոսկվայում: «Տարվա մարդ» մրցանակը ստանալուց հետո նա երեկ ժամանել է Հայաստան: Իսկ մնացածը կատարյալ անհեթեթություն է և հերթական ապատեղեկատվությունը»,- ընդգծեց Նաիրա Զոհրաբյանը:
Հիշեցնենք՝ «Հրապարակ» օրաթերթը գրել է, որ իրենց տեղեկություններով, Մոսկվայում գտնվող ԲՀԿ-ական էլիտան փորձում է համոզել «ՀայՌուսգազարդի» նախկին տնօրեն Կարեն Կարապետյանին՝ համաձայնել դառնալ նախագահի թեկնածու կամ ստանձնել վարչապետի պաշտոնը: