Մոսկվան խոչընդոտներ չի տեսնում Վրաստանի ԱՊՀ վերադառնալու համար: Այդ մասին նոյեմբերի 9-ին հայտարարել է ՌԴ ԱԳՆ ԱՊՀ երկրների առաջին դեպարտամենտի տնօրեն Միխայիլ Եվդոկիմովը: «Մենք ուշադիր հետևում ենք Թբիլիսիից հնչող հայտարարություններին, ԱՊՀ-ից դուրս գալու նախաձեռնությունը պատկանում էր Վրաստանին»,-ասել է Միխայիլ Եվդոկիմովը:
Ըստ նրա, ԱՊՀ վերադառնալու համար Վրաստանը պետք է դիմում ներկայացնի: «Չեմ տեսնում, թե ինչու վրացական ղեկավարության նման դիմումը չի կարող դրական գնահատվել»,-ասել է դիվանագետը՝ հավելելով, որ նման որոշումները պետք է ընդունվեն ԱՊՀ պետությունների ղեկավարների մակարդակով, հայտնում է ԻՏԱՐ-ՏԱՍՍ-ը: