Նորվեգացի ահաբեկիչ Անդերս Բրեյվիկն անընդունելի է համարում կալանավայրի իր պայմանները: Նա բողոք է ներկայացրել երկրի ուղղիչ հաստատությունների վարչությանը՝ պնդելով, որ իր իրավունքները խախտվում են:
Դժգոհության պատճառը նրա կալանքի պայմանների խստացումն է: Օրինակ, Բրեյվիկին զրկել են նոութբուքից օգտվելու իրավունքից, խստացրել են նամակագրության հսկողությունը:
Բրեյվիկը գտնում է, որ այդպիսով խախտվում է նրա ինքնարտահայտման իրավունքը:
Հանցագործի բանտախուցը բաղկացած է երեք սենյակներից 8 քմ մակերեսով յուրաքանչյուրը՝ ննջարան, աշխատասենյակ և մարզասենյակ վազքուղիով: Շփումները մարդկանց հետ սահմանափակվում են բանտապահների հետ մի քանի րոպեների շփումով: Օրական մեկ ժամ նա միայնակ կարող է անցկացնել ներքին բակում: Շաբաթական մեկ անգամ նա կարող է այցելուներ ընդունել, հայտնում է ԻՏԱՐ-ՏԱՍՍ-ը:
