Սիրիացի փախստականների թիվը, որոնք ապաստան են գտել հարևան երկրներում, «հասել է 408 հազարի»: Այդ մասին նոյեմբերի 9-ին հաղորդել է փախստականների հարցերով ՄԱԿ գերագույն հանձնակատարի վարչության տարածաշրջանային համակարգող Փանոս Մումցիսը Սիրիայի իրավիճակին նվիրված մեկօրյա մարդասիրական համաժողովի ավարտին:

«Միայն վերջին օրերին 11 հազար մարդ հատել են Սիրիայի սահմանը: Նրանց մեծամասնությունը՝ 9 հազար, ապաստան են գտել Թուրքիայում»,- ասել է Մումցիսը: Այդ մասին հաղորդում է ԻՏԱՐ-ՏԱՍՍ-ը: