Գերմանիայի դաշնային կանցլեր Գերհարդ Շրյոդերը հավանություն է տվել Թուրքիայի վարչապետ Ռեջեբ Թաիբ Էրդողանի նախաձեռնությանը Հայոց ցեղասպանության փաստերի հետազոտման պատմական հանձնաժողով ստեղծելու մասին: Այդ մասին Էրդողանի հետ հանդիպման ժամանակ հայտարարել է Գերհարդ Շրյոդերը, հաղորդում է Reuters-Անկարան: Զրույցի ընթացքում Գերմանիայի կանցլերը 1915 թվականի իրադարձությունները «ցեղասպանություն» չի անվանել: Շրյոդերը նշել է նաեւ, որ Թուրքիայում առկա է ազգային փոքրամասնությունների իրավիճակի բարելավում եւ կոչ է արել Թուրքիային շարունակել բարեփոխումները: Նա նաեւ աջակցել է Էրդողանին ԵՄ կողմից Հյուսիսային Կիպրոսին 259 մլն դոլարի ֆինանսական օգնության տրամադրման հարցում: