«Հարսնաքարի գործով» մեղադրյալների պաշտպանները հակասություններ են տեսել տուժող Արտակ Բայադյանի խոսքում 9 նոյեմբերի 2012 - 21:52 AMT PanARMENIAN.Net - Երևանի Ավան և Նոր Նորք վարչական շրջանների դատարանում այսօր ավարտվել է «Հարսնաքարի գործով» տուժող Արտակ Բայադյանի հարցաքննությունը: Պաշտպանական կողմը միջնորդել է հրապարակել տուժողի նախաքննական ցուցմունքները՝ դատաքննական ցուցմունքների հետ առկա հակասությունների պատճառով: Մեղադրանքի կողմը առարկել է, նշելով, որ հակասությունները արհեստածին են, տուժողն ընդամենը առավել հստակեցնում է իր ցուցմունքները, հակասության մասին խոսք լինել չի կարող: Դատարանը բավարարել է պաշտպանական կողմի միջնորդությունը՝ նշելով, որ կան տարբերություններ, որոնք կարող են էական լինել: Տուժողի նախաքննական ցուցմունքները հրապարակվել են, որին հետևել է հարցուպատասխան: Նախաքննության ընթացքում տուժողը հայտնել էր, որ ինչ-որ մեկը նախատում էր Վահե Ավետյանին հարվածած մատուցող Դավիթ Ադամյանին՝ ասելով, «մենք էստեղ, ո՞վ ես դու», ապա թևանցուկ արել տուժող Արկադի Աղաջանյանին և ուղեկցել դեպի ավտոկայանատեղի, և իրենք հետևել են նրանց, այսինքն՝ Նորայր Հայրապետյանի վերաբերյալ նախաքննության ընթացքում կոնկրետ ոչինչ չէր հայտնել: Իսկ արդեն դատաքննության ընթացքում նշել է «ինչ-որ մեկի» անունը՝ Նորայր Հայրապետյան: Տուժողը պարզաբանեց, որ առաջին ցուցմունքը տվել է նախաքննության սկզբում, երբ մտահոգ էր Վահե Ավետյանի առողջական վիճակով և չէր էլ փորձում շատ մանրամասներ հստակեցնել: Իսկ ավելի ուշ իր ցուցմունքը հստակեցվել է, երբ իրեն ճանաչման է ներկայացվել Նորայր Հայրապետյանը, և տուժողը ճանաչել է նրան: Հարցուպատասխանի ընթացքից դժգոհ ամբաստանյալ Արման Խաչատրյանի պաշտպան Ավագ Լալայանը հայտարարել է, որ մտադիր է նոյեմբերի 16-ին նախատեսվող դատական նիստում ինքնաբացարկի միջնորդություն ներկայացնել դատարանին: Նախատեսվում է, որ հաջորդ դատական նիստում ցուցմունքներ կտա տուժող Գարիկ Սողոմոնյանը:
Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում |