Ադրբեջանա-նիդերլանդական երիտասարդական կազմակերպությունը (AzJN) և Արտերկրում սովորող ադրբեջանցի ուսանողների ու շրջանավարտների միջազգային համաժողովը բողոքի ակցիա են անցկացրել հոլանդական Հիվերսուն քաղաքում:
Հոլանդիայի ազերի երիտասարդներին «դուր չի եկել», որ BNN հեռուստաընկերության մաս կազմող Holland-3 հեռուստաալիքը զբոսաշրջային հաղորդման մեջ ներկայացրել է ԼՂՀ-ն որպես անկախ պետություն:
Ինչպես ասել է ASAIF համակարգողը Բելգիայում, ակցիային ավելի շատ ադրբեջանցիներ են մասնակցել, քան նախատեսվում էր: Նրանք մտադիր էին աշխարհին հասցնել «Ադրբեջանի արդար ձայնը»:
Ադրբեջանցի երիտասարդներն առաջարկել են ալիքի ղեկավարությանն այցելել Ադրբեջան կամ Հարավային Կովկաս «մանրամասն տեղեկություններ ստանալու համար», հայտնել է SalamNews-ը: