ԱՄՆ նախագահի պաշտոնում Բարաք Օբամայի վերընտրվելուց հետո երկրի բնակիչները սկսել են ակտիվ զենք գնել: Ինչպես հաղորդում է «Russia Today»-ը, այս օրերին ԱՄՆ-ում հրացանների, ատրճանակների նկատմամբ պահանջարկն ուղղակի անհավանական է: «Աճող վաճառքի ֆոնին կտրուկ բարձրացել են զենք արտադրող ընկերությունների բաժնետոմսերը: Քանի դեռ հնարավորությւոն կա օրինական ճանապարհով և մատչելի գներով զենք գնել, պետք է օգտվել դրանից, կարծում են ամերիկացիները»,- գրում է RT-ը:

Հոկտեմբերի 16-ին բանավեճի ընթացքում Օբամային հարցրել են, թե ինչ միջոցներ է նա մտադիր ձեռնարկել, որպեսզի զրկի քրեական աշխարհը զինվելու հնարավորությունից: Օբաման պատասխանել է, որ կմտածի այն մասին, որպեսզի վերականգնի քաղաքացիական անձանց զենքի վաճառքի արգելքի մասին օրենքը: