Աշխարհի առաջին ռակետ Նովակ Ջոկովիչը ATP Ամփոփիչ առաջնության եզրափակչում հաղթանակից հետո խոսոտվանել է, որ Լոնդոնում բոլոր խաղերում հաղթելն ինչ-որ արտասովոր բան է:

«Լոնդոնում ես դեռ չէի խաղացել այդ մրցումների եզրափակչում, մի քանի տարի առաջ կիսաեզրափակչում էի, որում երկու սեթերում պարտվել էի Ռոժերին: Բայց այս տարի ես տարի ֆիզիկապես ավելի թարմ էի: Ես կցանկանայի պայքարել և հնարավորինս առաջ անցել մցրաշարում»,- ասել է Ջոկովիչը, ով եզրափակչում 7:6 և 7:5 հաշվով հաղթել է Ռոժեր Ֆեդերերին:

Ֆեդերերն իր հերթին հավելել է, որ Ջոկովիչը, Մարեյը և Նադալը տուրում միակ մրցակիցները չեն, կան նաև ուրիշները:

«Ինձ դուր է գալիս խաղալ երիտասարդների հետ, միգուցե այն պատճառով, որ նրանցից մի քանի համար ես կուռք եմ, ինչն ինձ համար մի քիչ տարօրինակ է: Բայց հաճելի է տեսնել, թե ինչպես է աճում երիտասարդ սերունդը»,- Ֆեդերերի խոսքերը հաղորդում է Eurosport-ը: