Այսօր 23 հայ խորհրդատու կառավարման խորհրդատվության միջազգային հավաստագրիր է ստացել` «Հիմնական խորհրդատվական հմտություններ և մասնագիտական էթիկա» դասընթացն ավարտելու առիթով: Հավաստագիրը փաստում է, որ այն ստացած խորհրդատուն համապատասխանում է մասնագիտական չափանիշներին, հմտություններին, բարոյական նորմերին:
Հանձնման արարաողությանը ներկա էր նաև Հայաստանում ԵՄ խորհրդատվական պատվիրակության ղեկավար Տրայան Հրիստերան:
«ԵՄ գործընկերության գլխավոր ուղղություններից է փոքր և միջին ձեռնարկատիրության զարգացումը: Հայստանում էլ ԵՄ նպատակն է բարելավել գործարար և տնտեսական միջավայրը: Այս ծրագիրն էլ մեր միացյալ ջանքերի օրինակն է», - ասաց նա:
Դասընթացն իրականացվել է ԵՄ ֆինանսավորմամբ, անց է կացրել Կառավարման Խորհրդատվության Հայաստանի Ինստիտուտը` Վերակառուցման և զարգացման եվրոպական բանկի աջակցությամբ:
Դասընթացի ընթացքում մասնակիցներին ներկայացվել է խորհրդատվության ոլորտում կիրառվող միջազգային չափանիշներն ու փորձ, խորհրդատվական ծրագրերը մասնագիտական էթիկայով սահմանված չափանիշներով մշակելու, կառավարելու և իրականացնելու հմտություններ: Դասընթացի ավարտին մասնակիցներն անհատական առաջադրանքներ են ստացել, որոնց արդյունքները ստուգվել են Մեծ Բրիտանիայի Խորհրդատվության ինստիտուտի սահմանած չափանիշներով:
