Եվրոպայում տնտեսման խիստ միջոցների դեմ բողոքի ցույցերը, որ անցան ողջ Եվրոպայով մեկ նոյեմբերի 14-ին Համերաշխության օրվա շրջանակներում, որոշ երկրներում վերաճել են ոստիկանության հետ բախումների, հայտնում է ՌԲԿ-ն «Ռոյթերսի» վրա հղումով:
Այդպես Իսպանիայում բախումները մեծ թափ են ստացել Մադրիդում: Ձերբակալվել է մոտ 60 մարդ: Տասնյակ մարդիկ, այդ թվում 30 ոստիկաններ, վնասվածքներ են ստացել:
Հռոմում ուսանողները քարեր են նետել ոստիկանների վրա:
Խոշոր գործադուլներ են անցել Բելգիայում, Պորտուգալիայում և Ֆրանսիայում: Գործարար հանրության ներկայացուցիչները գնահատում են գործդուլների վնասը մի քանի միլիարդ եվրո: