Սրտաբան. Արևի ակտիվության շրջանում խոցելի են ոչ միայն հիվանդները, այլ նաև առողջ մարդիկ17 նոյեմբերի 2012 - 13:15 AMT PanARMENIAN.Net - Փոփոխություններն Արեգակնային համակարգում ազդեցություն են ունենում առողջության վրա, ամենախոցելին սիրտ-անոթային համակարգն է: Այս մասին մամուլի ասուլիսի ժամանակ ասաց սրտաբան Տիգրան Պողոսյանը: Նրա խոսքով, արևային բռնկումների, գեոմագնիսական դաշտի ակտիվության ժամանակ ակտիվանում են սրտային հիվանդությունները: Բժիշկը նշեց, որ այս շրջանում հիվանդներն ավելի զգույշ պետք է լինեն, հնարավոր է դեղաչափի փոփոխության կարիք զգացվի: Պողոսյանը նաև նշեց, որ արևի ակտիվությունն ազդում է բոլոր մարդկանց վրա: Այն կարող է արտահայտվել դեպրեսիայով, ինչպես նաև աշխատունակության անկմամբ, քնի խանգարումով: Փորձը ցույց է տալիս, որ այդ ժամանակ ակտիվանում է հանկարծամահության հաճախությունը: Բժիշկը նշեց նաև ևս մեկ հետաքրքիր փաստ: Այն մարդիկ, ովքեր ծնվել են արևի ոչ ակտիվ շրջանում, ավելի զգայուն են այդ փոփոխությունների հանդեպ: Նրանք են 1953, 1963, 1964, 1965, 1974, 1975, 1985, 1986, 1995, 1996, 2001 և 2002 թվականներին ծնվածները: Կա նաև գենետիկ գործոն, և, ըստ բժշկի, հայերն ավելի խոցելի են արևի բռնկումների հանդեպ: Ալիխանյանի անվան ազգային գիտական լաբորատորիայի ուսանողուհի Հասմիկ Ռոստոմյանը, բնութագրելով արևի ակտիվությունը, նշեց, որ գոյություն ունեն ցիկլեր, երբ արևի ակտիվությունն աճում է կամ նվազում: Արևի ակտիվության ժամանակ նկատվում են արևային բծեր՝ համեմատաբար ցածր ջերմաստիճանով սև կետիկներ: Դրանք ունեն մագնիսական դաշտ և որքան այն մեծ է, բռնկումն ավելի ուժեղ է: Որքան ուժեղ է բռնկումը, այնքան ավելի մեծ ազդեցություն է ունենում Երկրի վրա: Մագնիսական դաշտի ուժգնացումից կարող է խափանվել էլեկտրաէներգիան, բջջային և ինտերնետ կապը: Արևի ակտիվության ցիկլը սկսվել է 2008 թ-ին: Ակտիվ ցիկլը միջինը տևում է 11 տարի: Այս պահին այն ակտիվ է, բայց բռնկումներ չկան: Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամենաընթերցվողը բաժնում | Նոյեմբերյանի ղեկավար կազմը հայտարարել է՝ չի աջակցում սահմանազատման գործընթացին Նշվում է, որ նրանք աջակցում ենք խաղաղության հաստատմանը, սակայն այս գործընթացը փաստացի ՀՀ կողմից միակողմանի զիջում է Փաշինյան․ Մենք գնում ենք Ադրբեջանի գնած սպառազինության 15-20%-ը Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը ՀՀ և Ադրբեջանի սահմանին փորձագետները սկսել են կոորդինատների ճշտումը Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայն Վարչապետ․ ՀԱՊԿ–ը սահման պիտի գար որպես ՀՀ դաշնակից, ոչ թե որպես խաղաղապահ կամ խաղաղարար «Այս պայմաններում մենք չենք կարող ուղղակի ձևացնել, թե այդ ամեն ինչը չենք նկատում»,–ասել է նա |