Անկախ իրավապաշտպան Amnesty International կազմակերպության աշխատակիցները Լոնդոնում գործադուլ են սկսել, հայտնում է «ՌԻԱ Նովոստի» գործակալությունը՝ «Ասոշիեյթիդ պրեսի» վրա հղումով: Գործադուլի պատճառը մի շարք աշխատակիցների գործից ազատելու ղեկավարության մտադրությունն է: Մասնակիցները պիկետ են կազմակերպել կազմակերպության կենտրոնակայանի մոտ:

Amnesty International-ը լայնածավալ վերակազմավորում է պլանավորել, որի շրջանակներում Լոնդոնի բյուրոյի շուրջ 500 աշխատակիցներ կգործուղվեն 10 տարբեր տարածաշրջաններ, որտեղ իրավապաշտպանների տեսակետից մարդու իրավունքների խախտման աղաղակող փաստեր են գրանցվել: