Առնվազն 10 մարդ է վիրավորվել ավտոբուսի պայթյունից Թել Ավիվում, հայտնել է «ՌԻԱ Նովոստի» գործակալությանը շտապ օգնության ներկայացուցիչը:
Ոստիկանությունն իր հերթին հայտնում է 15 տուժածների մասին: Երեք տուժածների վիճակը բժիշկները գնահատում են ծանր:
«Պատահարի հիմնական վարկածը ահաբեկչությունն է»,-ասել է ոստիկանության ներկայացուցիչը՝ հավելելով, որ քաղաքի ողջ տարածքում անվտանգության խստացված միջոցներ են կիրառվում:
Ավտոբուսը պայթել է իսրայելյան բանակի գլխավոր շտաբի մոտ:
Պայթյունը Թել Ավիվում կարող է բարդացնել հրադադարի մասին բանակցությունները, որոնք ընթանում են Եգիպտոսի միջնորդությամբ: