Պաղեստինի ազատագրման կազմակերպությունը (ՊԱԿ) ողջունում է Իսրայելի և Գազայի հատվածում պաղեստինյան խմբավորումների միջև հրադադարի մասին համաձայնագրի ձեռք բերումը, սակայն հակամարտությունը գնահատում է որպես Իրանին հարված հասցնելու նախապատրաստություն: Այդ մասին հինգշաբթի օրը ՌԻԱ Նովոստիում կայացած մամլո ասուլիսում հաղորդել է ՊԱԿ գործադիր կոմիտեի անդամ Սալեհ Ռաֆատը:
«Մենք ողջունում ենք նախօրեին ձեռք բերված հրադադարը»,- ասել է Ռաֆատը:
Նա կարծում է, որ Իսրայելն այդ կերպ հարվածում է Թեհրանի դաշնակիցներին, գիտակցելով, որ իր ուժերը հիմա չեն բավականացնի հենց Իրանին հարվածելու համար: