Գազայի հատվածում գործող ՀԱՄԱՍ շարժման դեմ հակամարտության ժամանակ Իսրայելի իրական հակառակորդը Իրանն էր: Նման կարծիք է արտահայտել ԱՄՆ-ում Իսրայելի դեսպան Միխաել Օրենը` նոյեմբերի 23-ին «Ինթերնեշնըլ գերալդ տրիբյուն» պարբերականում հրապարակված հոդվածում:
Օրենը համեմատել է Գազայում տեղի ունեցող իրադարձությունները 1962թ կարիբյան ճգնաժամի հետ, երբ ԽՍՀՄ-ը փորձում էր Կուբայում բալիստիկ հրթիռներ տեղակայել:
Պարբերականն ընդգծում է, որ արևմտյան հետախուզական ծառայությունների տվյալների համաձայն, Գազայի հատվածին մատակարարվող հրթիռները տրամադրում է Իրանը, փոխանցում է ԻՏԱՐ-ՏԱՍՍ-ը: