ՀԲ-ն կնպաստի սննդի անվտանգության բարելավմանը և տեսչական ստուգումներին Հայաստանում29 նոյեմբերի 2012 - 16:09 AMT PanARMENIAN.Net - Համաշխարհային բանկի խմբի` Ներդրումային միջավայրի խորհրդատվական ծառայությունների կողմից հրատարակվել է սննդամթերք արտադրողների համար նախատեսված նոր ուղեցույց, որը կօժանդակի սննդի անվտանգության չափանիշների բարելավմանը և մրցունակության բարձրացմանը, հաղորդում է IFC մամլո ծառայությունը: «Պատշաճ արտադրական պրակտիկայի և Պատշաճ հիգիենայի պրակտիկայի կիրառման» ուղեցույցը տրամադրում է գործնական խորհուրդներ սննդամթերք արտադրողների համար` հիգիենայի և արտադրականպրակտիկաների վերաբերյալ: Այն նաև կօժանդակի այդ ոլորտի տեսուչներին` կիրառելու ստանդարտացված մոտեցում ձեռնարկությունների կողմից վերոնշյալ պահանջների բավարարման գործընթացը գնահատելիս: Սննդի անվտանգության վերաբերյալ Հայաստանում իրազեկվածության աստիճանը բարձրացնելու նպատակով, «Հայաստանում ներդրումային միջավայրի բարեփոխումների» և IFC-ի «Սննդամթերքի անվտանգության բարելավման» ծրագրերի կողմից կազմակերպվել է համատեղ սեմինար, որի ընթացքում մասնակիցներին ներկայացվել և տրամադրվել է վերոհիշյալ ուղեցույցը: «Ուղեցույցում նկարագրված պրակտիկաների ներդրումը էականորեն կնվազեցնի սննդամթերքի աղտոտման ռիսկերը», ասաց ՀՀ գյուղատնտեսության նախարարության սննդամթերքի անվտանգության պետական ծառայության պետ Աբրամ Բախչագուլյանը: «Նշված պրակտիկաները խիստ անհրաժեշտ են նաև Եվրամիության չափանիշներին համապատասխանող սննդամթերքի անվտանգության համակարգի ձևավորման համար, ինչը մեր հիմնական նպատակներից մեկն է»,- ասել է նա: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |