ՀԲ. Պարենամթերքի համաշխարհային գները կայունացել են, սակայն շատ բարձր են մնում
Սննդամթերքի համաշխարհային գները կայունացել են, սակայն շատ բարձր են մնում, ասվում է Համաշխարհային բանկի զեկույցում:
Փաստաթղթում նշվում է, որ հոկտեմբերին սննդամթերքի գինը 5 տոկոսով էժան է եղել, քան հուլիսին, երբ գները հասան մաքսիմումի: Իրավիճակի բարելավմանը հաջողվեց հասնել առաջին հերթին ճարպերի ու կարագի գների նվազման հաշվին:
Ցորենը նույնպես էժանացել է, սակայն այդ գործընթացը պակաս ծավալուն էր:
ՀԲ մասնագետները խոստովանում են, որ պարենամթերթի գները շարունակում են բարձր մնալ և գերազանցում են նախորդ տարվա ցուցանիշները 7 տոկոսով:
ՀԲ փոխնախագահ Օտավիանո Կանուտոն զգուշացրել է, որ Պարենային անվտանգությունը պետք է գերակայություն մնա համաշխարհային հանրության համար:
