Մատենդարանի պատվիրակությունը 2012թ. դեկտեմբերի 12-ին կայցելի Հռոմ, որպեսզի հնարավորություն ունենա տեղում ծանոթանալու Հռոմի արխիվի և գրական ժառանգության Ռեստավրացիայի կենտրոնական ինստիտուտի հետ: Այդ մասին դեկտեմբերի 1-ին կայացած մամլո ասուլիսում հայտարարել է Մատենադարանի արխիվային բաժնի վարիչ, միջազգային նախագծերի ղեկավար Արա Խզմալյանը: Ըստ նրա, երկու կազմակերպությունների միջև համապատասխան համաձայնագիրը կնքվել է 2012թ.:
Բացի այդ, Բեռլինի պետական գրադարանի հետ համաձայնագիր է ստորագրվել գրքերի փոխանակման, ինչպես նաև վերականգնման ոլորտում փորձի փոխանակման վերաբերյալ: Համաձայնագիր կստորագրվի նաև Պետերբուրգի համալսարանի փիլիսոփայական բաժնի հուշարձանների պահպանության ու գրադարանային գործի ամբիոնի հետ:
Վերջին տարիներին միջազգային համագործակցությունը Մատենադարնի գործունեության առաջնային ուղղություններից է դարձել: Մեր նպատակն է, որ Մատենադարանը վերածվի մի առանձնահատուկ միջազգային հարթակի, որտեղ ամբողջ աշխարհից մասնագետներ կհավաքվեն փորձի փոխանակման, արդիական տեխնոլոգիաների ներդրման հարցերի քննարկման համար:
