ՁԻԱՀ-ի դեմ պայքարի համաշխարհային օրը Վորլդ Վիժն Հայաստանի ՄԻԱՎ‐ի կանխարգելման ծրագրի օժանդակությամբ, որը ֆինանսավորվում է Եվրոպական Միության կողմից, ՁԻԱՀ‐ի խնդրի ջատագովության խումբը միանալով ՁԻԱՀ‐ի դեմ պայքարի միջոցառումներին և «Հասնել Զրո‐ի» համաշխարհային կարգախոսին, կազմակերպել է ինտերակտիվ հանրային միջոցառում`վիկտորինա: Այս մասին PanARMENIAN.Net-ին հայտնում են ՁԻԱՀ‐ի խնդրի ջատագովության խմբից:
Միջոցառումը տեղի է ունեցել այսօր Շարլ Ազնավուրի անվան հրապարակում: Արման Նշանյանը, Կարեն Ջանիբեկյանը, Լևոն Մալխասյանը, Սոս Ջանիբեկյանը, Արթուր Իսպիրյանը և հանրային ճանաչում և սեր վայելող այլ մարդիկ ներկա էին միջոցառմանըև իրենց ներդրումն ունեցան ՄԻԱՎ‐ի կանխարգելման գործում: «Կանխարգելում և բուժում. Զրո խտրականություն, զրո նոր դեպքեր, զրո մահ». սա է ՁԻԱՀ‐ի դեմ պայքարի համաշխարհային օրվա հիմնական ուղերձը: Միջոցառման նպատակն էր հանրության ուշադրությունը բևեռել ՄԻԱՎ‐ի և ՁԻԱՀ‐ի խնդիրներին և բարձրացնել ՄԻԱՎ‐ի վերաբերյալ տեղեկացվածությունը, նաև տեղեկացնել ՄԻԱՎ‐ի փոխանցման ուղիների, բուժման, ՄԻԱՎ‐ով ապրող մարդկանց իրավունքների մասին:
