Մարգարիտ Եսայան. Ֆրանսիացի սենատորները շատ ճիշտ են ընկալում արցախյան հիմնախնդիրը 5 դեկտեմբերի 2012 - 21:17 AMT PanARMENIAN.Net - Նոյեմբերի 25-29-ը Ֆրանսիայի Սենատի հրավերով Ֆրանսիա էր մեկնել ՀՀ ԱԺ Հայաստան-Ֆրանսիա բարեկամական խմբի պատվիրակությունը: Վերջինս մասնակցել է նաև «Լեռնային Ղարաբաղ. խաղաղություն և երկխոսություն» թեմայով կլոր սեղանի աշխատանքներին: Ամփոփելով այցի արդյունքները ՀՀ ԱԺ Հայաստան-Ֆրանսիա բարեկամական խմբի ղեկավար Արա Բաբլոյանը տեղեկացրեց, որ խմբի անդամները տարբեր հանդիպումեր են ունեցել Ֆրանսիայի Սենատում, արտաքին գործերի նախարարությունում: Դրանց ընթացքում քննարկվել են ինչպես միջխորհրդարանական կապերի հետագա խորացմանը, այնպես էլ կրթության, առողջապահության, մշակույթի, գյուղատնտեսության և շատ այլ ոլորտներում համագործակցությանը վերաբերող հարցեր: Խնդիր է դրվել բարեկամական հարաբերություններ և փոխգործակցություն հաստատել ոչ միայն Ֆրանսիայի հայաշատ, այլև մյուս քաղաքների հետ: Կլոր սեղանի ընթացքում Հայ-ֆրանսիական պատգամավորական խմբի անդամներն առաջարկել են միջոցներ ձեռնարկել հանդուրժողականության մթնոլորտ հաստատելու ուղղությամբ: Ինչպես նշեց խմբի անդամ Մարգարիտ Եսայանը` Ֆրանսիա-Ադրբեջան պատգամավորական խմբի ներկայացուցիչները սովորաբար խեղաթյուրում են ԼՂ հիմնահարցի պատմությունը: Այդուհանդերձ, նա ուրախալի համարեց այն հանգամանքը, որ Ֆրանսիա-Հայաստան խմբում ընդգրկված ֆրանսիացի սենատորները շատ ճիշտ են ընկալում արցախյան հիմնախնդիրը: Պատգամավորի խոսքով` ԵԱՀԿ Մինսկի խմբի նախկին ֆրանսիացի համանախագահ Բեռնար Ֆասյեն ներկաներին օբյեկտիվորեն և անկողմնակալ ներկայացրել է ԼՂ հիմնախնդրի ծագումնաբանությունը: Ներկայացնելով ԵԱՀԿ Մինսկի խմբի աշխատանքները` նա ընդգծել է, որ ԼՂ հիմնախնդիրը կարող է լուծվել միայն խաղաղ ճանապարհով: Մհեր Շահգելդյանն իր խոսքում ընդգծեց, որ մի շարք հանդիպումների ընթացքում հայ-ֆրանսիական պատգամավորական խումբը, մասնավորապես, նշվել է, որ Իլհամ Ալիևի նախագահության օրոք Ադրբեջանի քաղաքական մոտեցումներում կտրուկ փոփոխություններ են եղել` Ադրբեջանի ներսում մեծացել են ատելության քարոզումը ու ռազմական հռետորաբանությունը, որոնք խորթ են եվրոպական դիրքորոշումներին: Պատգամավոր Մնացական Մնացականյանը ներկայացրեց Թալինի և ֆրանսիական Բուր-լե Վալանս քաղաքի համագործակցությունը` նշելով, որ դրանք 2003 թվականից քույր քաղաքներ են. Թալինում այժմ գործում է ֆրանկոֆոնիայի կենտրոն, որը ֆինանսավորվում է ֆրանսիական կողմից: Հայ-ֆրանսիական պատգամավորական խմբի անդամներն այցելել են նաև Օ. Դը Սեն դեպարտամենտ, որը 4 մլն եվրոյի ներդրումներ է իրականացրել Տավուշի մարզում, գյուղատնտեսության ոլորտում, ոռոգման համակարգերում, հաղորդում է ՀՀ ԱԺ Հասարակայնության և տեղեկատվության միջոցների հետ կապերի վարչությունը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |