Գերմանիայի կառավարությունը հինգշաբթի օրը հավանություն է տվել Թուրքիային երկու Patriot զենիթահրթիռային համալիրներ տրամադրելու մանդատին, հաղորդում է «Ֆրանս Պրես» գործակալությունը` մեջբերելով ԳԴՀ ՊՆ հայտարարությունը:
Երեքշաբթի օրը թուրք-սիրիական սահմանին Patriot համալիրներ տեղակայելու մասին որոշում է ընդունել ՆԱՏՕ-ի ԱԳՆ ղեկավարների խորհուրդը: Կառավարության արտահերթ նիստի ավարտին կատարված հայտարարությունում նշվում է, որ դրանց սպասարկման համար Թուրքիա կգործուղվեն մինչև 400 գերմանացի զինծառայողներ:
Թուրքիային ԶՀՀ տրամադրելու մանդատը պետք է դրվի նաև բունդեսթագի քննարկմանը, սակայն Գերմանիայի ԱԳՆ ղեկավար Գիդո Վեստերվելեն արդեն հայտարարել է, որ ակնկալում է խորհրդարանականների աջակցությունը: