Եգիպտոսի իշխանությունները հայտարարել են, որ պատրաստ են տեղափոխել երկրի նոր սահմանադրության վերաբերյալ հանրաքվե անցկացնելու ժամկետները, բայց մի շարք պայմաններով, հաղորդում է ՌԻԱ Նովոստին:

Նրանք այդ մասին հայտարարություն են կատարել այն բանից հետո, երբ ընդդիմադիրները ճեղքել են հանրապետական գվարդիայի շրջափակումը Կահիրեում նախագահական պալատի մոտ և հայտարարել, որ մտադիր չեն զիջել, քանի դեռ երկրի ղեկավարը չի լուծարել Սահմանադրական հռչակագիրը և չեղյալ չի հայտարարել հանրաքվեի անցկացումը: Մուրսիի կողմնակիցների հակառակորդների բախումներում տուժել է 10 մարդ: