Ինդոնեզական «Հազար ձեռքերով պարը»՝ «Առնո Բաբաջանյան» համերգասրահում 8 դեկտեմբերի 2012 - 19:11 AMT PanARMENIAN.Net - Դեկտեմբերի 8-ին՝ ժամը 19:00-ին, «Առնո Բաբաջանյան» համերգասրահում տեղի կունենա «Ինդոնեզիա-Հայաստան 2012» մշակութային ներկայացումը: Միջոցառումը կազմակերպել է Ուկրաինայում Ինդոնեզիայի դեսպանությունը՝ Ինդոնեզիայի զբոսաշրջության և ստեղծագործական էկոնոմիկայի նախարարության, ՀՀ մշակույթի նախարարության և Հայաստանում Ինդոնեզիայի հյուպատոսության հետ համատեղ: Ինչպես ասուլիսում նշեց ՀՀ մշակույթի նախարարի տեղակալ Արթուր Պողոսյանը, ներկայացումը նպատակ ունի պարի և երաժշտության միջոցով հայ արվեստասեր հանրությանը մատուցել ինդոնեզական հարուստ մշակույթի մի հատված: «Հայ-ինդոնեզական այս միջոցառումը միտված է երկու երկրների միջև մշակութային կապերի հետագա զարգացմանը, զբոսաշրջային այցելությունների ակտիվացմանը: Անցյալ տարի ՀՀ ԱԳ նախարարի՝ Ինդոնեզիա կատարած այցից հետո սկսվեցին երկու երկրների միջև մշակութային համագործակցության շուրջ քննարկումները, և այդ փաստաթուղթն այժմ աշխատանքային փուլում է»,- նշեց նա՝ հավելելով, որ փաստաթուղթը նոր հիմքերի վրա կդնի երկու ժողովուրդների միջև հաղորդակցությունը: Հայաստանում Ինդոնեզիայի արտակարգ և լիազոր դեսպան Նինիեկ Կուն Նարիաթին (նստավայրը՝ Կիև) իր հերթին տեղեկացրեց, որ «Ինդոնեզիա-Հայաստան 2012» մշակութային ներկայացման համերգային ծրագրում ներառված են Ինդոնեզիայի «Քորդանա» երիտասարդական երգչախումբը և Հայաստանի պետական ֆիլհարմոնիայի ժողովրդական գործիքների անսամբլը: «Նրանք կներկայացնեն ինդոնեզական ազգային երաժշտությունը: «Քորդանա» երգչախումբը ազգային թմբուկների միջոցով կներկայացնի ինդոնեզական երգեր և պարեր՝ «Օնդել-օնդել» Բետավի ժողովրդական երգը, «Տոկի Տիֆա» աշխույժ երաժշտությունը և այլն: Ինդոնեզական ծրագրում ներառված է նաև հայտնի Ասեհնական «Սեուդաթի» պարը, որը հաճախ կոչվում է «Հազար ձեռքերով պար»,- նշեց նա: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Կոստանյան․ ՀՀ–ն պատրաստ է խորացնել գործակցությունն ինչպես ՆԱՏՕ–ի, այնպես էլ առանձին անդամ երկրների հետ Նա ՆԱՏՕ-ի գործընկերներին ներկայացրել է Հարավային Կովկասում անվտանգային իրավիճակը և մարտահրավերները Վարչապետը մեկնել է ՌԴ. Կհանդիպի Պուտինի հետ Նախատեսվում է նաև ՀՀ վարչապետի և ՌԴ նախագահի հանդիպումը Արամ Ա-ն իր զորակցությունն է հայտնել Գերագույն Հոգևոր խորհրդի հայտարարությանը Կաթողիկոսները որոշել են շարունակել իրենց խորհրդակցությունները Գերագույն հոգևոր խորհուրդ․ Եկեղեցին, չունենալով քաղիշխանության հավակնություն, պիտի շարունակի ջանալ հանուն հայրենիքի Կոչ է արվում իշխանություններին` անսալ ժողովրդի հիմնավոր պահանջներին |