Դեկտեմբերի 12-ին Կալինինգրադում անցկացվում են մինչև 23 տարեկանների բռնցքամարտի Եվրոպայի առաջնության 2-րդ օրվա մենամարտերը:
Հայաստանի հավաքականի բռնցքամարտիկներից առաջինը ռինգ է դուրս եկել Կորյուն Սողոմոնյանը (49 ք/կ): Նա հանդիպել է Նազար Կուրոտչինին (Ուկրաինա) և 17:12 հաշվով հաղթանակ տարել: Հայաստանի հավաքականի երկորդ հաղթանակն ապահովել է Նարեկ Աբգարյանը (52 ք/կ), ով 17:16 հաշվով հաղթել է Դմիտրի Ստրիգելսկուն (Բելառուս):
Մինչև 60 կգ ք/կ Հովհաննես Բոչկովը 14:17 հաշվով զիջել է Էլվին Իսաևին (Ադրբեջան):
Երեկոյան մրցահերթում հանդես կգա Արթուր Քիրաջյանը (64 ք/կ), ում մրցակիցն է լինելու Յոզեֆ Հերցեգը (Հունգարիա):
Առաջնության արդյունքում կընտրվեն 2013թ Կազանում կայանալիք Ունիվերսիադայի մասնակիցները, ինչպես նաև պաշտոնապես կմեկնարկի Եվրոպայի բռնցքամարտիկների նախաօլիմպիական նախապատրաստման շրջանը: