2013-ի նախագահական ընտրություններում չառաջադրելով և չսատարելով որևէ մեկին, որպես քաղաքական ուժ ԲՀԿ-ն չի թուլանում: PanARMENIAN.Net-ի թղթակցի հետ զրույցում նման կարծիք հայտնեց քաղաքական և ընտրական տեխնոլոգիաների փորձագետ Արմեն Բադալյանը: «ԲՀԿ-ն այս քայլով չկորցրեց իր ռեսուրսը, իսկ ընտրություններում քիչ ձայն հավաքելու դեպքում այն թուլանալու էր: Հիմա ասյպիսի որոշումով էլի հարցը մնաց «հետոյին» և «հաջորդ դասին»,- ասաց Արմեն Բադալյանը: Իսկ թե ով է իրականացնելու «հաջորդ դասը», փորձագետը չգիտի:

Ավելացնենք, որ այսօր տեղի է ունեցել ԲՀԿ խմբակցության և քաղխորհրդի համատեղ նիստ, որի ժամանակ ԲՀԿ-ն որոշել է, որ չի առաջադրելու սեփական թեկնածու և չի սատարելու թեկնածուներից որևէ մեկին: