Վաղը Մոսկվայից հատուկ չվերթով Երեւանի «Զվարթնոց» միջազգային օդանավակայան են ժամանելու Հասարակածային Գվինեայի բանտից ազատված վեց հայ օդաչուները, տեղեկացնում է ՀՀ ԱԳՆ մամուլի ծառայությունը: Հիշեցնենք, որ վերջերս Հասարակածային Գվինեայի նախագահ Թեոդորո Օբիյանգ Իգուեման ստորագրել է վեց հայ օդաչուներին ներում շնորհելու մասին հրամանագիր, որոնք անցյալ տարվա նոյեմբերին դատապարտվել են պետական հեղաշրջման փորձ կատարելու համար: Հասարակածային Գվինեայի նախագահը հայտարարել է, որ ներում շնորհելու մասին հրամանը բարի կամքի դրսեւորում է եւ ստորագրվել է նրա ծննդյան օրվա նախօրեին: