«Հայկական ժամանակ» թերթը գրում է, որ երեկ՝ ուշ երեկոյան տեղեկություն է ստացվել, որ ՀՀ ոստիկանության Երևանի Կենտրոնի բաժնի քրեական հետախուզության երկու օպերլիազոր է ձերբակալվել, ինչի պատճառով նույն բաժնի տարբեր վարչությունների մոտ 60 աշխատակիցներ՝ որպես բողոքի նշան ազատման դիմումներ են ներկայացրել:
«Տեղեկությունները ճշտելու համար մեր թղթակիցը դիմեց ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանին: Ձերբակալության փաստը ճշտելու համար Ահարոնյանը խորհուրդ տվեց դիմել Հատուկ քննչական ծառայություն, իսկ ազատման դիմումների մասով տեղեկությունը հերքեց: Այդուհանդերձ, մեզ հաջողվեց ճշտել ձերբակալվածների անունները՝ Խաչիկ և Արտակ: Իսկ թե ինչու են նրանց ձերբակալել՝ ուշ ժամի պատճառով ճշտել չհաջողվեց»,- գրում է «Հայկական ժամանակը»։